کرێمی 17 لە براندی ئەتۆمۆ (ATOMU Cream 17 – قەبارەی 100 مل)

کرێمێکی پشکنراوی کلینیکی بۆ بەهێزکردنی بەربەستی پارێزەری پێست، بە ڕێژەی 17٪ لە ئێسێنسی ترشێنراوی CeBiNES پێکهاتووە — خۆراک بۆ پێستی وشک، هەستیار و قابیلی هەوکردن.

کرێمی 17 دەوڵەمەندترین بەرهەمی زنجیرەی 17ی ئەتۆموە؛ کرێمێکی شێدارکەرەوەی چڕە کە بە ڕێژەی 17٪ لە ئاوێتەی پاتێنتکراوی CeBiNES (کۆری و ئەمریکی) پێکهاتووە. بە پێچەوانەی شێدارکەرەوە ئاساییەکان، کرێمی 17 بەشێک بووە توێژینەوەیەکی زانستیی بڵاوکراوە: لە تاقیکردنەوەیەکی کلینیکیی چوار هەفتەییدا لەلایەن پڕۆفیسۆر کیم هیۆنگ وو لە زانکۆی  پوسان، کە لە گۆڤاری زانستی Pharmacognosy Magazine (2024) بڵاوکراوەتەوە، سەلمێنرا کە ئەم کرێمە بە شێوەیەکی بەرچاو لەدەستدانی شێی پێست کەمدەکاتەوە و پێست تێرئاو  دەکات — ئەمەش بەڵگەیەکی پزیشکی بەهێزە لەسەر کارایی بەرهەمەکە. بۆ ئەو پێستانەی زۆر وشکن، شەق دەبن و توێکڵ هەڵدەدەن، بەردەوام کزانەوەیان هەیە، یان زوو زوو توشی هەوکردن دەبن، کرێمی 17 ئەو شێدارییە قووڵ و قەڵغانە بەهێزە بۆ پێست دابین دەکات کە بە تەنیا لۆشن ناتوانێت پێت ببەخشێت. هەروەها بۆ شوێنە ناسکەکانی وەک لێو، دەست و پێیەکان گونجاوە و دەبێتە کرێمێکی فرەچارەسەر بۆ تەواوی جەستە.

گونجاوە بۆ جۆری پێستی:

وشک، زۆر وشک، هەستیار، پێگەیشتوو (بە تەمەن)

پێکهاتە سەرەکییەکان

ئاوێتەی CeBiNES بە ڕێژەی 17٪: ئاوێتەیەکی چالاکی سروشتی ترشێنراوی کۆریا و ئەمریکایە، لە ترشاندنی زیاتر لە ١٥ وەرگیراوەی سروشتی دروستکراوە. پرۆسەی ترشاندنەکە قەبارەی گەردیلەکان بچووک دەکاتەوە بۆ ئەوەی خێرا بچنە قووڵایی پێست و بەربەستەکەی ساڕێژ و بەهێز بکەن.

وەرگیراوەی هوتۆینیا (Houttuynia Cordata): پێکهاتەیەکی پاککەرەوە و هێورکەرەوەی ناسراوە بۆ ئەو پێستانەی کێشەدارن و زوو زوو هەو دەکەن.

وەرگیراوەی سەنتێلا (Centella Asiatica): ئارامکەرەوەیەکی بەهێزە بۆ چارەسەرکردنی سووتانەوە و چاککردنەوەی چینی زیانلێکەوتووی پێست.

پڕۆپۆلیس (Propolis): دژەبەکتریایەکی سروشتی و دژەئۆکسانە؛ وەک قەڵغانێکی پتەو پێست لە زیانە دەرەکییەکان دەپارێزێت.

شیلەی شاژنی هەنگ (Royal Jelly): دەوڵەمەندە بە ترشە ئەمینی و چەورییە بنەڕەتییەکان؛ ئەو پێستانە لە ناخەوە تێر و بەهێز دەکاتە کە بەهۆی فشار و وشکییەوە کە ماندوو و لاواز بوون.

ئەلانتاین (Allantoin): یارمەتی نوێبوونەوەی خانەکانی پێست دەدات و هەستیاری و گرژیی ڕووی پێست کەم دەکاتەوە.

سوودەکان

لە ڕووی زانستی و کلینیکییەوە سەلمێنراوە کە لەدەستدانی ئاو لە پێستدا کەم دەکاتەوە و دوای 4 هەفتە شێداری پێست بەڕێژەیەکی بەرچاو بەرز دەکاتەوە (بەپێی توێژینەوەی گۆڤاری Pharmacognosy Magazine، 2024).

بەربەستی تێکچوو یان لاوازبووی پێست لە بنەڕەتەوە ساڕێژ و بەهێز دەکات.

خۆراکی تەواو دەبەخشێت بە پێستێک کە لەڕادەبەدەر وشک بووە، توێکڵی هەڵداوە، یان هەستیاری درێژخایەنی هەیە.

سووربوونەوە، خوران و کزانەوەی پەیوەست بە نەخۆشی و هەوکردنەکانی پێست خامۆش دەکات.

بە تەواوی بێ کۆرتیزۆنە — بۆ بەکارهێنانی بەردەوامی درێژخایەن سەلامەتە و هیچ جۆرە ئاڵوودەبوونێک دروست ناکات.

بۆ دەموچاو، تەواوی جەستە، لێو، دەست و پێیەکان گونجاوە.

شێوازی بەکارهێنان

دوای شۆردنی دەموچاو و بەکارهێنانی ئێسێنس (ئێسێنسی ئەتۆمۆ، ئێسێنس بی، یان ئێسێنسی هێورکەرەوەی ئەتۆمو)، بڕێکی گونجاو لە کرێمەکە بەکاربهێنە و بە یەکسانی بیدە لە دەموچاو یان جەستەت؛ زۆر بە نەرمی بەشێوازی تەپ تەپە مەساجی بۆ بکە تا پێستت هەڵیدەمژێت. بەیانیان یان ئێواران بەکاردێت. دەتوانیت بۆ لێو، دەست، پێ و هەر شوێنێکی تری لەش کە زۆر وشک بێت یان توشی هەوکردن بوو بێت بەکاریبهێنیت. بۆ ئەوەی باشترین ئەنجامت دەستبکەوێت، وەک دوایین هەنگاوی ڕۆتینەکەت بەکاریبهێنە تا هەموو شێدارییەکە لەناو پێستتدا قفڵ بکات.

بۆ ژنان و پیاوان (گونجاوە بۆ هەردوو ڕەگەز)