جێڵ لۆشنی هێورکەرەوەی CeBiNES لە براندی ئەتۆمو - 100 مل

جێڵ لۆشنێکی فێنککەرەوە و یەکجار سووکە؛ پێستی هەستیار و ناسک لە ناخەوە تێر ئاو دەکات و دەستبەجێ کزانەوە و سووتانەوەکەی ڕادەگرێت.

جێڵ لۆشنی هێورکەرەوەی CeBiNES بریتییە لە هەنگاوێکی شێدارکەرەوەی فێنک و نوێگەری ئەتۆمو بۆ ئەو پێستانەی پێویستیان بە ئارامبوونەوەیەکی ڕاستەقینەیە بەبێ هەستکردن بە قورسی و چەوری. پێکهاتە جێڵ-لۆشنەکەی بە چاوتروکانێک لەلایەن پێستەوە هەڵدەمژرێت و سوودە بێوێنەکانی ئاوێتەی ترشێنراوی CeBiNES دەگەیەنێتە خانەکان بە شێوازێک کە هەر لەگەڵ بەرکەوتنی بە پێستت دەستبەجێ هەست بە فێنکی دەکەیت. ئەمەش وای لێدەکات باشترین بژاردە بێت بۆ پێست لە دوای لێزەر و جەلساتی جوانکاری، یان پێستێک کە زوو زوو توشی سووربوونەوە دەبێت، یان بۆ پێستێک کە کرێمە قورسەکان بێزاری دەکەن لە کەشوهەوای گەرمدا. لە تاقیکردنەوە پزیشکییەکاندا بە فەرمی سەلمێنراوە کە هەر لەگەڵ بەکارهێنانیدا پلەی گەرمی پێست بە ڕێژەی 5.5  پلەی سەدی دادەبەزێنێت؛ دەستبەجێ سووتانەوە و هەوکردن دادەمرکێنێتەوە لە کاتێکدا بەردەوام خۆراک دەبەخشێت بە چینی پارێزەری پێست. وەک هاوڕێیەکی تەواوکەر بۆ "ئێسێنسی هێورکەرەوەی CeBiNES" داڕێژراوە لە ڕۆتینی ڕۆژانەی ئەتۆمودا، بۆ ئەوەی ببێتە پردێک لە نێوان چارەسەری پزیشکی و ڕۆتینی ئاسایی چاودێری پێست — ئەم بەرهەمە هێندە نەرمە کە بۆ هەموو پێستێک دەبێت، و هێندەش کارایە کە گۆڕانکاری ڕاستەقینە لە پێستتدا دروست دەکات.

گونجاوە بۆ جۆری پێستی:

 هەموو جۆرەکانی پێست - باشترین هەڵبژاردەیە بۆ پێستی چەور، تێکەڵ و هەستیار

پێکهاتە سەرەکییەکان

ئاوێتەی CeBiNES: ئاوێتەیەکی چالاکی سروشتیی ترشێنراوی وڵاتانی کۆریا و ئەمریکایە، لە ترشاندنی زیاتر لە ١٥ گیادەرمان و ماددەی سروشتی دروستکراوە؛ بەهۆی بچووکی قەبارەی گەردیلەکانی لە پرۆسەی ترشاندندا، شێ و پێکهاتە ئارامبەخشەکان بە خێرایی دەباتە قووڵایی پێست.

پوختەی هوتۆینیا (Houttuynia Cordata): پێکهاتەیەکی گیایی پاککەرەوە و هێورکەرەوەیە، تایبەتە بە ڕەواندنەوەی کزانەوەی ڕووکەش و هەوکردنی سووک.

وەرگیراوەی سەنتێلا (Centella Asiatica): سووربوونەوە کەم دەکاتەوە و بەردەوام بەربەستی پارێزەری پێست پتەو و بەهێز دەکات.

پڕۆپۆلیس (Propolis): وەک قەڵغانێکی دژەئۆکسان و دژەبەکتریا پێست لە زیانەکانی کەشوهەوا و ژینگە دەپارێزێت.

شیلەی شاژنی هەنگ (Royal Jelly): کانگای ترشە ئەمینی و چەورییە بەسوودەکانە؛ پێست لە ناخەوە تێر و زیندوو دەکاتەوە.

ئەلانتاین (Allantoin): ڕووی پێست بە تەواوی نەرم و ساف دەکات و هەستیاری و هەستی تووندبوون و وشکبوونی  پێست ناهێڵێت.

سوودەکان

دەستبەجێ پلەی گەرمیی پێست بە ڕێژەی 5.5 پلەی سەدی دادەبەزێنێت — لە یەکەم چرکەی بەرکەوتنیەوە فێنکی و ئارامییەکی خێرا دەبەخشێت بە پێست.

سووربوونەوە، کزانەوە، و هەستیاری دوای جەلساتەکانی پێست بە تەواوی خامۆش دەکات.

شێدارییەکی ڕۆژانەی سووک بەبێ هیچ هەستێکی چەوری و قورسییەک پێشکەش دەکات.

بە بەکارهێنانی بەردەوام، بەربەستی پارێزەری پێست یەکجار بەهێز و پتەو دەکات.

تەواو بێ کۆرتیزۆنە و هێندە نەرمە کە دەتوانیت بۆ ماوەی درێژخایەن و ڕۆژانە بەکاریبهێنیت.

باشترین چارەسەرە بۆ پێست دوای لێزەر، دوای تەقشیر و جەلساتەکان، و هەر پێستێک کە پێویستی بە ئارامبوونەوە و چاکبوونەوەیەکی خێرا بێت.

شێوازی بەکارهێنان

دوای شۆردنی دەموچاو و بەکارهێنانی ئێسێنسی هێورکەرەوەی CeBiNES (یان ئێسێنسی ئەتۆمو / ئێسێنس بی)، بڕێکی گونجاو لە جێڵ لۆشنەکە بدە لە پێستت و زۆر بە نەرمی مەساجی پێبکو  تا پێستت هەڵیدەمژێت. بەیانیان یان ئێواران بەکاردێت. بۆ ئەو پێستانەی بە پرۆسیجەرە پزیشکییەکاندا تێپەڕیوون، دەتوانیت ڕۆژانە چەند جارێک بەپێی پێویست بەکاریبهێنیت بۆ ئەو شوێنانەی پرۆسیجەرەکەت بۆ ئەنجامداوە بە مەبەستی فێنککردنەوە و خێراکردنی پڕۆسەی چاکبوونەوە.

بۆ ژنان و پیاوان (گونجاوە بۆ هەردوو ڕەگەز)